Le foc de la Sant Jan
A Emile Soucarre.
Cadùn yès d'un fagot, cal uno loungo baro
Per planta just al miey e teni las lègnas,
Espos enca prou neit, cal atendre encaro,
Al fonse aben mès brouco e argelas.Le foc a flambejat e las fajos soun prestos,
Toutis dounen la ma per dansa alentour,
Toutjoun me soubendra aquelis jouns de festos.
E al miei se caldra metre cadun soun tour.Mès le foc a finit nou i a pos mès que braso,
Es aro le moument de sauta per dessus,
L'un siègue l'autre, cal que atal se faso,
Nou s'aturo que quant i aura pos res pus.L'Ariège en Algérie, n° 29, 1er décembre 1913.