L'amour

La flou de l'ameilhé announço ambé tendresso
Que l'iber es partit del printens le retour,
La naturo nou derm badailho d'allègresso
Les auzels ban per dous an célébra l'Amour.
Ai bist sus un poumier dos gribos en estaso,
Debremba tout del moun se gaïlta d'un el dous,
Peïs se mettre a canta un'amourouso phraso,
Ai bist tabé lour bec dins lour bec toutis dous.
Pus leng es un courbas que crido sa coumpagno
El es al désesper can nou le bets veni
Mes coumo un dallfi del cap de la mountagno
La bello d'un soul crit soun tourment fa fini.
E sul pic toutis dous dins un trouc de la roco
Se fasion de serments. Toujoun nous aïmaren.
E se dision enca se la mort ne nous toco
Jusquos al darré joun amasso nisaren.
Peis eu voulatejean en se renin de costo,
A toutis be voulion fe veyre lour bounhur,
Dichabon escapa calque cop uno noto
S'entournabon al nids qué fa battré lour cur.
Un bruch me dérenguec gaïtèigui à l'entour
Las feilhos an cricat ; que t'y partis un crapaou
Ero, proche de ieu ; ero passat soun tour,
N'ero pus amourous e n'ero tout penou.
Dins soun el ieu aï bist ço que a boulgut dire :
" Amusets vous courbas, sigats urous, countents ;
Coumo co ai saput e pla fe e pla dire
Mès que vous cal pensa que l'amour n'a qu'un tens ".
S'en anec amaga jous uno grosso peyro.
L'amour per qualques uns es al tens de las flous,
Per d'aoutris en estiou, per aco y a pos fieyro ;
Per l'ome soul el es de toutos las sasous.

(R.A. 4 juillet 1896)

Retour