L'aïgat de septanto cinq
Mentre que l'grand aïgat boulingado Toulouso,
Pinsaguel, Empalot, rivos, aïbres et flours,
Se passabo à Verdu sèno tant doulentousos
Que la soulo pensado amincario de plours.Dous jouves maridats, l'âmo touto gaujouro
Charlacabon siauds le chut des belis jouns,
Dins le leit nouvial quand, desfourtuno ourouso
L'aïgo emporto l'oustal en soun ferouge cours.Trouberon les dous cos que se tenion encaro
E de proche poudiots agaïta sur lour caro
La merco des poutous o dounats o renduts.Tabes per laïssa junts aques paures maïnatges
Empourtats par l'aïgasso al sountoul de lours atges
Dins le memo toumbel fougerent rebounduts(Mount-Ségur, juillet 1896).