Un moliniè debengut abesque
Parla de Fouix
Per Roucatil
Le ritou de Lujac se passejabo le loung de la peso d'aygo que ba al mouli e abio l'aïre pensiu e embestiat.
Le moulinie que passabo y dits :
- Abets nos bostr'aploumb, que bous chagrino ?
Le ritou parlabo tout soul, s'ense n'abe ni bist ni entendut le moulinie, e que disio tout fort :
- Nou y arribare pos jamès, nani jamès, jamès !
Le moulinie y diguec :
- Se boulets que bous ajude ?
- Es pos poussible, ça y respound l'ome de gleyso.
- Beleu.Calque cop le pus bestio rot douna le milhou couseil.
- Mounsegnur m'a proumes de me fe abesque, mais que me cal respoundre en quelos tres questious :
Can y a de gouttos d'aygo à la mar ?
Can y a d'estelos al cel ?
E ço que pense Mounsegnur al moument ount y pourtarai las respounsos ?
- Ce no es qu'aco me cargui de l'affe.
- Tu ? Es impoussible. Te foutes de ieu.
- Anats beire . Baillats-me la bostro soutano e tout ço que s'en siec .
Le moulinie se bestis en ritou e s'en ba trouba Mounségnur e y dits :
- Pla bounjoun. Bous beni douna las respounsos que m'abets demandados per estre abesque.
- Ba pla, ba pla.
- Can y a de gouttos d'aygo dins la mar ?
Atturats toutos las ribieros e les rius e bous dounarai la respounso.
- Brabo . Ba pla .
- Can y a d'estelos al cel ?
- Empechats la terro de bira al tour del soulheil e bous ac dirai.
- Aco es encaro milhou.
- Enfins, Mounségnur, demandats qu'en debini ço que pensats en aqueste moument ?
- Es pla simple. Pensats qu'es le curé de Lujat que bous parlo. E be gaytats, se tiro la soutano, e fa beyre sa biaude de farinié . Abets affes al moulinie .
- Moulinie, y diguec Mounsegnur, es pus intelligent que le ritou, es tu que faou abesque. (A.P.A. 1910).